మీ సువర్ణ పాలన మళ్లీ రావాలి

చంద్రబాబు స్పందిస్తూ 'నేను కొలకలూరును నా జీవితంలో మరిచిపోలేను. రాత్రి ఇక్కడే బస చేశాను. మీరు నిండు మనస్సులతో దీవిస్తూ మంచి రోజులు రావాలని ఆశ్వీరదించారు. చెల్లెమ్మా... మీలో కూడా లోపం ఉంది... కాంగ్రెస్ వాళ్లు మోసం, నమ్మకద్రోహం చేస్తారని ఆలోచించకుండా రెండుసార్లు గెలిపించారు. ఉచిత విద్యుత్ అని చెప్పి వైఎస్ నమ్మక ద్రోహానికి పాల్పడ్డాడని చెప్పారు. అతను డబ్బులు లేకుండా ఏ పని చేయడని, విద్యుత్ ప్రాజెక్టులన్ని తన వాళ్లకు కట్టబెట్టి దోచుకొన్నాడని చెప్పారు. తల్లి, పిల్ల కాంగ్రెస్‌ను నమ్ముకొంటే మీరు ఉండే ఇంటి కప్పు కూడా మిగల్చరన్నారు. కాంగ్రెస్‌కు ఓటేస్తే ఉద్యోగాలు వస్తాయా? పావలా వడ్డీ కలగా మిగిలిపోయింది. మీ కష్టాలు తీరాలంటే మీలో చైతన్యం తీసుకురావడం తప్ప మరో ప్రత్యామ్నాయం లేదని నేను పాదయాత్ర చేస్తున్నానని చంద్రబాబు చెప్పారు.