తెలంగాణకు వ్యతిరేకం కాదు : చంద్రబాబు

హైదరాబాద్‌ : టీడీపీ తెలంగాణకు వ్యతిరేకం కాదని ఎన్నోసార్లు స్పష్టం చేశామని టీడీపీ చీఫ్‌ చంద్రబాబునాయుడు పేర్కొన్నారు. అధికారంలోకి వచ్చిన వెంటనే తెలంగాణ ఉద్యమంలో పాల్గొన్న వారిపై ఉన్న కేసులను మాఫీ చేస్తామని ఆయన చెప్పారు. తెలంగాణ కోసం ఎవరూ ఆత్మబలిదానాలు చేయవద్దని ఆయన కోరారు. తెలంగాణకోసం ఇప్పటి వరకు ఆత్మహత్య చేసుకున్న వారి కుటుంబాలను టీడీపీ ఆదుకుంటుందని ఆయన పేర్కొన్నారు. టీఆర్‌ఎస్‌, వైకాపాలు కాంగ్రెస్‌లో చేరే పార్టీలేనని ఆయన అన్నారు. ఈ విషయాన్ని ఆయా పార్టీల నేతలు చెబుతున్నారని బాబు చెప్పారు. శనివారం కొంపెల్లిలో జరిగిన టీడీపీ ప్రాంతీయ సదస్సులో బాబు మాట్లాడారు.