తెలంగాణకు టీడీపీ వ్యతిరేకంకాదు: చంద్రబాబు

రంగారెడ్డి: తెలంగాణ రాష్ట్ర ఏర్పాటుకు టీడీపీ వ్యతిరేకం కాదని టీడీపీ అధినేత చంద్రబాబు నాయుడు స్పష్టం చేశారు. ఇవాళ ఆయన కొంపెల్లిలో జరిగిన పార్టీ ప్రాంతీయస్థాయి సదస్సులో మాట్లాడారు. తెలంగాణ ఏర్పాటుకు తమ పార్టీ వ్యతిరేకం కాదని ఎన్నోసార్లు చెప్పామని ఆయన గుర్తు చేశారు. తమ పార్టీ అధికారంలోకి వస్తే తెలంగాణ ఉద్యమంలో పాల్గొన్నవారిపై కేసులు మాఫీ చేస్తామని హామీ ఇచ్చారు. తెలంగాణ కోసం అసువులు బాసిన తెలంగాణ అమరవీరుల కుటుంబాలను ఆదుకుంటామని అన్నారు. కాగా, విధిలేని స్థితిలోనే ప్రభుత్వం పంచాయతీ ఎన్నికలు పెడుతోందని, ప్రజా సమస్యలను పరిష్కరించడానికి మాత్రం కాదని విమర్శించారు.