హైదరాబాద్ : "సార్! మీకు సింగపూర్‌లో హోటల్ ఉన్నదట కదా'' అంటూ ఓ కాంగ్రెస్ కార్యకర్త వేసిన ప్రశ్న చంద్రబాబును చండ్రబాబును చేసేసింది. పశ్చిమగోదావరి జిల్లా పెరవలి మండలం తీపర్రు గ్రామంలో బాబు ప్రసంగిస్తుండగా.. నల్ల విజయకుమార్ అనే వ్యక్తి అడ్డుపడ్డాడు. అది గమనించిన చంద్రబాబు.. ఆయన చేతికి మైకు ఇచ్చారు. "ఏ పార్టీ.. ఏం పేరు'' అని అతడిని ప్రశ్నించారు. నీది కాంగ్రెస్ పార్టీయా అని అతనిని చంద్రబాబు నిలదీశాడు. అవునని చెప్పాడు.

'సరే.. ఏమి అడుగుతావో అడుగు' అని ప్రోత్సహించాడు. "టివిల్లో, పేపర్లో వచ్చాయి. నలుగురూ చెప్పుకుంటున్నారు, సింగపూర్‌లో మీకు హోటళ్లు ఉన్నాయంటున్నారు. నిజమేనా?'' అని అనడంతో బాబుకు ఆగ్రహం తన్నుకొచ్చింది. " కాంగ్రెస్ దొంగలు ప్రచారం చేస్తున్నారు. అడ్రస్ తీసుకురా.. రాసిస్తాను. సిగ్గులేదా? నీ కాంగ్రెస్ నాయకులు అవినీతి చేసి జైలుకు పోయారు. అలాంటి వాళ్లను వదిలేస్తావా?' అంటూ తీవ్రస్వరంతో మండిపడ్డారు.