బాధగా ఉంది

గుం'టూరు'ను వీడటం బాధగా ఉందని చంద్రబాబు ఉద్వేగానికి లోనయ్యారు. పాదయాత్ర చేపట్టిన తర్వాత ఏ జిల్లాలోనూ 22 రోజులు ఉండలేదు. గుంటూరు జిల్లాలోనే ఇన్ని రోజులు ఉండి ప్రజల సమస్యలు తెలుసుకుంటూ 201 కిలోమీటర్లు నడిచానని అన్నారు. చివరి రక్తపు బొట్టు ఉన్నంత వరకు పోరాటం కొనసాగిస్తానన్నారు. చంద్రబాబు పాదయాత్ర బుధవారం సాయంత్రం గుంటూరు జిల్లాలో ముగిసింది. ఈ నెల ఆరో తేదీన జిల్లాలోకి ప్రవేశించిన ఆయన 22 రోజుల పాటు ఎనిమిది అసెంబ్లీ నియోజకవర్గాల్లో సుమారు 126 గ్రామాల్లో 201 కిలోమీటర్ల పొడవునా పాదయాత్ర కొనసాగించారు. రేపల్లె నియోజకవర్గంలోని పెనుమూడి వారధిపై కృష్ణానదిని దాటి కృష్ణా జిల్లాలోకి ప్రవేశించారు.