హైదరాబాద్ : తన ఉన్నతికి అభిమానులే కారణమని హీరో నందమూరి బాలకృష్ణ
తెలిపారు. అభిమానం అనేది హృదయం లోతుల్లోంచి రావాలని ఆయన చెప్పారు. బాలకృష్ణ
జన్మదినం సందర్భంగా రామకృష్ణ స్టూడియోలో బాలకృష్ణ, బోయపాటి శ్రీనుల
కలయికతో నూతన చిత్రం సోమవారం ప్రారంభమైంది. ఈ సందర్భంగా బాలయ్య మాట్లాడారు.
డబ్బుతో, ప్రలోభాతో అభిమానులను సంపాదించుకోలేరని ఆయన అన్నారు. తనకు
జన్మనిచ్చింది తారకరామారావు దంపతులు అయితే, ఇంతటివాడిని చేసింది
అభిమానులేనని ఆయన అన్నారు. కొందరు ఆశించడానికి పుడతారని, మరికొందరు
శాసించడానికే పుడుతారని ఆయన తెలిపారు.
