మహానాడుకు ముందు నియోజకవర్గ, జిల్లా మహానాడులను నిర్వహించాలని తెలుగుదేశం పార్టీ నిర్ణయించింది. ఇందులో భాగంగా ఈ నెల 18, 20, 21, 22 తేదీల్లో రాష్ట్రవ్యాప్తంగా 294 శాసనసభా నియోజకవర్గాల్లో, ఆ తర్వాత 24, 25 తేదీల్లో జిల్లాల్లో మహానాడులను నిర్వహించాలని పార్టీ అధినేత చంద్రబాబునాయుడు నివాసంలో గురువారం జరిగిన మహానాడు సన్నాహక సమావేశంలో నిర్ణయించారు. నియోజకవర్గాల మహానాడులకు పక్క జిల్లాల నేతలు, జిల్లా మహానాడులకు రాష్ట్ర నాయకులు పరిశీలకులుగా హాజరవుతారని పార్టీ రాష్ట్ర నాయకుడు ఎల్వీఎస్సార్కే ప్రసాద్ వెల్లడించారు.