పండుగ రోజూ చంద్రబాబు పాదయాత్ర ( 23వ రోజు) 24.10.2012

చంద్రబాబు పాదయాత్ర దసరా పండుగ రోజైన బుధవారం కూడా యథాతథంగా జరగనుంది. కాకపోతే, పార్టీ యంత్రాంగానికి, ప్రజలకు ఇబ్బంది లేకుండా కొద్ది దూరం మాత్రమే ఆయన పాదయాత్ర నిర్వహించనున్నట్లు పార్టీ వర్గాలు తెలిపాయి.

పాదయాత్రను పూర్తిగా నిలిపి వేయకుండా దసరా రోజున ఏడు లేదా ఎనిమిది కిలోమీటర్ల దూరం నడవాలని నిర్ణయించినట్లు తెలిసింది. బుధవారం ఉదయం 10 గంటలకు పాదయాత్రను ప్రారంభించి మధ్యాహ్నం 3 గంటలకు నిలిపి వేయాలని నిర్ణయించారు. ఇక దసరా పర్వదినాన్ని పురస్కరించుకుని బుధవారం వీలున్న చోట చంద్రబాబు జమ్మి పూజ చేయనున్నారు.