రాష్ట్ర, జిల్లా కేంద్ర సహకార బ్యాంకు ఎన్నికలకు సంబంధించి అన్నిచోట్లా టీడీపీ అభ్యర్థులను పోటీ పెట్టాలని జిల్లా నాయకత్వాలను చంద్రబాబు ఆదేశించారు. గుంటూరు జిల్లా పెదకాకానిలో చిత్తూరు జిల్లా నేతలతో శుక్రవారం చంద్రబాబు సమీక్షించారు. ఈ సందర్భంగా ఎన్నికల్లో ఎవరికీ మద్దతు ఇవ్వవద్దని, ఎవరి నుంచీ తీసుకోవద్దని ఆదేశించారు. ఈ ఎన్నికల్లో ప్రణాళికాబద్ధంగా వ్యవహరించిన ప్రతిచోటా పార్టీ గెలిచిందని చెప్పారు. దీనిని గుణపాఠంగా తీసుకుని రాబోయే సార్వత్రిక ఎన్నికలకు వ్యూహాలను సిద్ధం చేసుకోవాలని సూచించారు. పార్టీ కోసం కష్టపడుతున్న వారి రుణం తీర్చుకొంటామని హామీ ఇచ్చారు.