కేసులన్నీ ఎత్తివేస్తే జగన్ కూడా వై‌ఎస్‌ఆర్ కాంగ్రెస్ పార్టీని మూసి వేసి కాంగ్రెస్ పార్టీలో విలీనం చేయ్యటం ఖాయం..

నవంబర్ 19, 2012
తన పై వచ్చిన ఆరోపణల ఆధారంగా పెట్టిన కేసులన్నీ ఎత్తివేస్తే జగన్ కూడా వై‌ఎస్‌ఆర్ కాంగ్రెస్ పార్టీని మూసి వేసి చిరంజీవి లాగా కాంగ్రెస్ పార్టీలో విలీనం అవ్వటం ఖాయమని తెలుగుదేశం అధ్యక్షుడు చంద్రబాబు నాయుడు అన్నారు.
వస్తున్నా మీకోసం .. పాదయాత్ర మేదక్ జిల్లా సంగారెడ్డి లోని ఇంద్రకిరణ్ నుండి నేడు యాత్ర ప్రారంభించిన చంద్రబాబు, సభలో ప్రజలనుద్దేశిస్తూ ప్రసంగించారు. ప్రపంచవ్యాప్తంగా తెలుగువారి కోసం శ్రమించిన పార్టీ ఒక్క తెలుగుదేశం అని చంద్రబాబు ఈసందర్భంగా అన్నారు. తాను ఏనాడూ తెలంగాణా కు వ్యతిరేకంగా మాట్లాడలేదని చంద్రబాబు ఈ సందర్భంగా తెలిపారు.
సామాజిక న్యాయం అంటూ ఏర్పడిన పార్టీ ఇప్పటికే కాంగ్రెసు పార్టీలో కలిసిపోయిందని ప్రజారాజ్యం పార్టీని ఉద్దేశించి అన్నారు. సామాజిక న్యాయం అంటూ సొంత న్యాయాన్ని చేసుకున్నారని చిరంజీవిని పరోక్షంగా విమర్శించారు. కేసులన్నీ ఎత్తివేస్తే జగన్ కూడా ఇదే బాటలో పయనించడం ఖాయమని ఆయన అన్నారు.