October 25, 2012
చంద్రబాబుకు అండగా మాదిగ దండోరా కార్యకర్తలు! -కొమ్మినేని శ్రీనివాసరావు (చీఫ్ ఎడిటర్,ఎన్టివి)
http://kommineni.info/articles/dailyarticles/content_20121025_11.php
తెలంగాణలో టిడిపి అదినేత చంద్రబాబు నాయుడు పాదయాత్రకు ఎలాంటి ఇబ్బంది లేకుండా వ్యూహాత్మకంగా వ్యవహరిస్తున్నట్లు కనబడుతుంది.చంద్రబాబు కు రక్షణగా మాదిగ దండోరాకు చెందిన కార్యకర్తలు ఆయన పర్యటనలో ఉంటున్నారు.దీంతో ఎవరైనా నిరసన తెలియచేయాలన్నా వెనుకాడే పరిస్థితి ఏర్పడిందని బావిస్తున్నారు. గత నాలుగు రోజులుగా చంద్రబాబు ఎలాంటి ఆటంకాలు లేకుండా మహబూబ్ నగర్ జిల్లాలో పాదయాత్ర కొనసాగిస్తున్నారు.మాజీ మంత్రి నాగం జనార్దనరెడ్డి మాత్రం నాయకులలో ఐక్యత లేకపోవడం వల్లనే చంద్రబాబు పాదయాత్ర చేయగలుగుతున్నారని వ్యాఖ్యానించారు. విశేషం ఏమిటంటే జెఎసి నేతలు చంద్రబాబుకు నిరసన చెప్పడానికి ప్రయత్నించి శాంతి నగర్ వద్ద అరెస్టు అయ్యారు.కాని నాగం జనార్దనరెడ్డి మాత్రం ఆ దరిదాపులకు వెళ్లలేదు. కాని ఇప్పుడు ఈ మాటలు చెబుతున్నారు. అదే సమయంలో చంద్రబాబుకు టిడిపి కార్యకర్తలతో పాటు తెలంగాణకు చెందిన మాదిగ దండోరా అండగా నిలబడింది. మాదిగల డిమాండుకు అనుకూలంగా వర్గీకరణపై స్పష్టమైన ప్రకటన చేయడంతో చంద్రబాబుకు వారు గట్టి మద్దతుదారులుగా మారారు.చంద్రబాబుకు నిరసన చెప్పడానికి వెళ్లిన కోదండరామ్ ప్రభృతులకు మాదిగ దండోరా కార్యకర్తలు తీవ్రంగా ప్రతిఘటించడం విశేషం.
Subscribe to:
Post Comments
(
Atom
)
No comments :
Post a Comment