రాజన్న సన్నిధిలో టీడీపీ నాయకుల పూజలు

వేములవాడ : టిడిపి అధినేత నారా చంద్రబాబునాయుడు కరీంనగర్ జిల్లాలో చేపట్టిన వస్తున్నా మీ కోసం పాదయాత్ర విజయవంతం కావడంతో పాటు ఆయన ఆరోగ్యం బాగుండాలని వేములవాడ శ్రీరాజరాజేశ్వరస్వామి ఆలయంలో టిడిపి నేతలు ప్రత్యేక పూజలు చేశారు. జగిత్యాల మండలం కిష్టంపేట గ్రామంలో చేపట్టిన పాదయాత్రలో స్వామివారి ప్రసాదం, కండువా, మెమోంటోను చంద్రబాబుకు అందజేశారు. ఈ కార్యక్రమంలో నియోజకవర్గ ఇంచార్జ్ గండ్ర నళిని, జిల్లా ఉపాధ్యక్షుడు ఎంఏ.నసీర్, తూపుకారి సత్తయ్య జిల్లా కమిటీ మెంబర్ నందిపేట సుదర్శన్‌యాదవ్ తదితరులు పాల్గొన్నారు.