November 17, 2012
ఎన్నికలకు సిద్ధం కండి : చంద్రబాబు
టీడీపీ చీఫ్ నారా చంద్రబాబునాయుడు కేంద్ర, రాష్ట్రాల్లో ఎన్నికలు ఎప్పుడు
వచ్చినా తాము సర్వసన్నద్ధంగా ఉన్నామని స్పష్టం చేశారు. టీడీపీ విస్తృతస్థాయి సమావేశంలో
చంద్రబాబు నేతలను ఉద్దేశించి ప్రసంగించారు. జైలు నుంచే వైకాపా నేతలు రాజకీయాలు నడుపుతున్నారని,
వారి వద్ద టన్నులకొద్ది డబ్బులున్నాయని, ఎమ్మెల్యేలకు ప్రత్యేక ప్యాకేజీలు ఇచ్చి కొనుగోలు
చేస్తున్నారని ధ్వజమెత్తారు. గల్లీగల్లీకి వెళ్లి కాంగ్రెస్ ప్రజా వ్యతిరేక విధానాలపై
వివరించాలని, పార్టీ శ్రేణులు ఎన్నికలకు సిద్ధంగా ఉండాలని ఆయన కోరారు. టీడీపీని విమర్శించే
స్థాయి కాంగ్రెస్తో లీనమయ్యే పార్టీలకు లేదని పరోక్షంగా తెరాస, వైకాపా లపై విమర్శనాస్త్రాలు
సంధించారు బాబు. లోక్సభ అభ్యర్థుల ఎంపికపై కసరత్తు చేస్తున్నట్టు ఆయన తెలిపారు. వచ్చే
ఎన్నికల కోసం పార్టీ అభ్యర్థులను ముందుగానే ప్రకటిస్తానని చంద్రబాబునాయుడు తెలిపారు.
సమిష్టిగా పని చేయాలని, తానొక్కడినే పార్టీ కోసం పని చేస్తే సరిపోదని పార్టీ నేతలకు
సూచించారు. తాను రోడ్డున పడి నడుస్తున్నానని, ఆ సీరియస్నెస్ పార్టీ నేతల్లో కనిపించడం
లేదని ఆయన తెలిపారు. అలంకారప్రాయంగా ఇన్ఛార్జిలు ఉంటే సరిపోదని సూచించారు చంద్రబాబునాయుడు.
Subscribe to:
Post Comments
(
Atom
)
No comments :
Post a Comment