మొదలు పెట్టింది మీ భర్త కాదా? : టీడీపీ

టీఆర్‌ఎస్ పుట్టకముందు తెలంగాణ రాష్ట్ర ఏర్పాటు కోసం 41మంది ఎమ్మెల్యేలను ఢిల్లీకి పంపింది మీ భర్త వైఎస్ రాజశేఖర్‌రెడ్డి కాదా అని వైసీపీ గౌరవాధ్యక్షురాలు విజయమ్మను సీమాంధ్ర టీడీపీ ఎమ్మెల్యేలు ప్రశ్నించారు. ఈ మేరకు వారు బహిరంగ లేఖ విడుదల చేశారు. అధికార పక్షాన్ని వదిలి ప్రతిపక్షంపై విమర్శలు చేయటం వైసీపీ లాలూచీకి నిదర్శనమని ఆ లేఖలో పేర్కొన్నారు. జగన్‌కు బెయిల్ కోసం రాష్ట్రపతితో రాయబారం నడుపుతున్నది నిజం కాదా అని ప్రశ్నించారు. షర్మిల పాదయాత్రలో, పరకాల ఎన్నికల్లో తెలంగాణకు అనుకూలంగా మాట్లాడింది గుర్తు లేదా అన్నారు.