హైదరాబాద్ : కడియం శ్రీహరి టీడీపీకి రాజీనామా చేయడం తొందరపాటు చర్యగా పార్టీ నేత పెద్దిరెడ్డి రామచంద్రారెడ్డి భావించారు. శనివారం ఉదయం మీడియాతో మాట్లాడుతూ స్వప్రయోజనాల కోసమే కడియం పార్టీ వీడారని ఆరోపించారు. పదవుల కోసం కడియం పార్టీ మారటం సరికాదన్నారు. రాజీనామాపై పునరాలోచించాలని సూచించారు. తెలంగాణపై స్పష్టత ఉన్న పార్టీ టీడీపీ అని పెద్దిరెడ్డిరామచెంద్రారెడ్డి తేల్చిచెప్పారు.