: చంద్రబాబు పుట్టినరోజుని పురస్కరించుకొని ఎన్టీఆర్ భవన్‌లో తలపెట్టిన జన్మదిన వేడుకలను రద్దు చేశారు. వేడుకల కోసం నేతలు తీసుకొచ్చిన ఐదారు పెద్ద పెద్ద కేకులను వెనక్కి పంపేశారు. 'ఢిల్లీలో జరిగిన అమానుష ఘటనకు చంద్రబాబు చాలా బాధపడ్డారు. ప్రజల హృదయం రగులుతున్న ఈ సమయంలో జన్మదిన వేడుకలు జరుపుకోవడం సమంజసం కాదని ఆయన భావించారు. వాటిని రద్దు చేయాలని ఆదేశించారు' అని కార్యాలయ కార్యదర్శి టీడీ జనార్దనరావు చెప్పారు.