బాబుకు నీరాజనాలు

జిల్లాలో 'వస్తున్నా... మీకోసం' పాదయాత్ర కొనసాగిస్తోన్న చంద్రబాబుకు వాడవాడలా ప్రజలు బ్రహ్మరథం పడుతున్నారని టీడీపీ జిల్లా అధ్యక్షుడు ప్రత్తిపాటి పుల్లారా వు చెప్పారు. మంగళవారం ఉద యం వేమూరులో ఆయన విలేకరులతో మాట్లాడుతూ మహిళలు స్వచ్చంధంగా ముందుకొచ్చి మా కష్టాలు తీరాలంటే చంద్రబాబు అధికారంలోకి రావాలని గట్టిగా విశ్వసిస్తున్నారని చెప్పారు. చంద్రబాబు బలహీనవర్గాలను కలుస్తూ వారి సమస్యలు తెలుసుకొంటూ వాటి పరిష్కారమార్గాలను ఆలోచిస్తున్నారని తెలిపారు. ఎన్నికల కమీషన్ ఆదేశాల మేరకు ఆయన మంగళవారం సాయంత్రం ఐదు గంటల నుంచి ఈ నెల 21వ తేదీ సాయంత్రం ఐదు గంటల వరకు పూర్తిగా విశ్రాంతి శిబిరానికి పరిమితమౌతారని చెప్పా రు. ఒక క్రమశిక్షణ కలిగిన నాయకుడిగా చంద్రబాబు ఈసీ ఆదేశాలను తూచ తప్పకుండా పాటిస్తున్నారని వెల్లడించారు. త్వరలో జరిగే డీసీసీబీ, డీసీఎంఎస్ ఎన్నికల్లో టీడీపీ గెలిచి తీరుతుందన్నారు. జిల్లాలో అత్యధిక స్థానాలు పొందిన పార్టీ టీడీపీనే అని ఒకవేళ కాంగ్రెస్, వైసీపీ లోపాయికారి ఒప్పందం చేస ుకొంటే ప్రజలే వాటిని భూస్థాపితం చేస్తారని హెచ్చరించారు.