ఎర్రన్నాయుడు అంత్యక్రియలు ప్రభుత్వ లాంఛనాలతో ముగిశాయి

తెలుగుదేశం పార్టీ సీనియర్ నాయకుడు, కేంద్ర మాజీ మంత్రి కె.ఎర్రన్నాయుడు అంత్యక్రియలు ప్రభుత్వ లాంఛనాలతో ముగిశాయి. పెద్ద ఎత్తున తరలివచ్చిన జన సందోహం ఎర్రన్నాయుడు శ్రీకాకుళం ముద్దుబిడ్డ అంటూ
జోహర్లు అర్పిస్తుండగా ఈ కార్యక్రమం జరిగింది.పోలీసులు తుపాకులతో గౌరవ వందనం సమర్పించారు. శ్రీకాకుళం తమ్ముడు అచ్చెన్నాయుడు, ఎర్రన్నాయుడు కుమారుడు రామ్మోహన్ నాయుడు తదితరులు కన్నీరు , మున్నీరుగా విలపిస్తూ ఎర్రన్నాయుడు అంతిమ యాత్రలో పాల్గొన్నారు. టిడిపి అదినేత చంద్రబాబు నాయుడు, పార్లమెంటరీ పార్టీ నేత నామా నాగేశ్వరరావు , యనమల రామకృష్ణుడు,హరికృష్ణ తదితర నాయకులు పెద్ద ఎత్తున నిమ్మాడ వెళ్లారు. వారు ఎర్రన్నాయుడు అంత్యక్రియలు ముగిసేవరకు అక్కడే ఉన్నారు. ఎర్రన్నాయుడు స్వగ్రామమైన నిమ్మాడలో ఆయన వ్యవసాయ క్షేత్రంలో అంత్యక్రియలు నిర్వహించారు.