చంద్రబాబు పాదయాత్రకు సిపిఐ సంఘీభావం

Thu, 11 Oct 2012
హైదరాబాద్‌ : టిడిపి అధినేత చంద్రబాబు చేపట్టిన వస్తున్నా...మీకోసం పాదయాత్రను సిపిఐ అభినందించింది. చంద్రబాబు పాదయాత్రకు సంఘీభావం ప్రకటించింది. ఈ మేరకు సిపిఐ రాష్ట్ర కార్యదర్శి కె.నారాయణ చంద్రబాబుకు గురువారం లేఖ రాశారు. 'అక్టోబరు 1న మీరు రాసిన ఉత్తరం అందింది. గురువారం జరిగిన సిపిఐ రాష్ట్ర కార్యదర్శివర్గ సమావేశం మీరు నిర్వహిస్తున్న 'వస్తున్నా...మీ కోసం' పాదయాత్ర కార్యక్రమాన్ని చర్చించింది. మీరు నిర్వహిస్తున్న పాదయాత్ర కార్యక్రమాన్ని సిపిఐ రాష్ట్ర కార్యదర్శివర్గం అభినందిస్తూ, సంఘీభావాన్ని తెలియజేసింది. భవిష్యత్‌లో అవినీతికర కాంగ్రెస్‌కు, మతోన్మాద బిజెపికి వ్యతిరేకంగా ఉద్యమించడానికి మీ వంతు పాత్ర నిర్వహించాలని కార్యదర్శివర్గం అభిప్రాయపడింది' అని నారాయణ తన లేఖలో చంద్రబాబుకు సూచించారు.