విశాఖపట్నం:రెండు రోజులు విశ్రాంతి అవసరమని వైద్యులు సూచించారు. "వస్తున్నా..మీకోసం'' పాదయాత్రలో భాగంగా విశాఖ జిల్లాలో అడుగుపెట్టిన చంద్రబాబు ప్రస్తుతం శరభవరంలో విశ్రాంతి తీసుకుంటున్నారు. వైద్యుల సూచన మేరకు ఇవాళ, రేపు పాదయాత్రకు విరామం ప్రకటించారు.

ప్రస్తుతం విరామం తీసుకోకపోతే చంద్రబాబుకు ఆ తర్వాత మరిన్ని చిక్కులు తలెత్తే ప్రమాదం ఉందని వైద్యులు ఆందోళన వ్యక్తం చేశారు. ప్రస్తుత సమస్యకు విరామమే పరిష్కారమని వారు చెప్పారు. అందుకు అతి కష్టం మీద బాబు అంగీకరించారు. సోమవారం పాదయాత్ర పునఃప్రారంభించినా, ఆయన తారు, సిమెంటు రోడ్డుపై గాక రోడ్డు ప్రక్కన మట్టి మార్గంలో నడవడం మేలు అని వారు సూచించారు.