ఉత్సాహం…అదే పలుకరింపు

ఉత్సాహం…అదే పలుకరింపు

• జనంవైపు అడుగులు
• రోజుకు 20 కిలో మీటర్లు
• 117 రోజుల పాటు ప్రజల్లోనే
• 35 ఏళ్ళక్రితం మొదటి యాత్ర
• అప్పట్లో కాణిపాకం నుంచి చంద్రగిరి వరకు పాదయాత్ర
• సుదీర్ఘ ప్రసంగాల్లేవు
• వ్యవహార శైలిలో మార్పు
• ఆప్యాయంగా పలుకరింపు
• సామాన్య జనం మాట చంద్రబాబు నోట
• సాదాశీదాగా కులవృత్తుల ప్రతినిధులతో మమేకం
• పార్టీ శ్రేణులతో ప్రత్యక్ష సంబంధాలు
• స్థానిక నేతలతో పార్టీ అంశాలపై చర్చ

old

ప్రజల ఇబ్బందులను, కడగండ్లను చంద్రబాబు ప్రత్యక్షంగా చూస్తున్నారు. ఒకేమాదిరి ఊకదంపు డు ఉపన్యాసాల జోలికి వెళ్లకుండా ప్రజలతో మమేకమవుతున్నారు. పనిలో పనిగా కార్యకర్తలతో ప్రత్యక్ష సంబంధాలు ఏర్పాటు చేసుకుని నేరుగా వారిలో విశ్వాసం నింపుతున్నారు. చంద్రబాబు తలపెట్టిన ఈ యాత్రకు సామాన్య జనం నుంచి హర్షం వ్యక్తమవుతోంది. చంద్రబాబు మారిన శైలిపై ఓ కథనం.
టీడీపీ అధినేత చంద్రబాబు చేపట్టిన వస్తున్నా.. మీ కోసం యాత్రతో తెలుగుతమ్ముళ్లలో నూతనోత్తేజం కనిపిస్తోంది. సరాసరి రోజుకు 20 కిలో మీటర్ల చొప్పున నడుస్తూ… 117 రోజులపాటు ప్రజల కష్టాల్ని మరింత దగ్గరగా తెలుసుకునే ప్రయత్నం చేస్తున్నారు బాబు.ప్రజల్లోకి వెళ్లేందుకు బాబు పాదయాత్ర చేయడం కొత్తేమీ కాదు. 35 ఏళ్ల కిందట చిత్తూరు జిల్లా కాణిపాకం నుంచి పాదయాత్ర చేసి గడప గడపా తొక్కారు. మూడు పదుల వయసులో ఆనాడు బాబు చేసిన యాత్రకు విశేష స్పందన వచ్చింది. కాణిపాకం నుంచి చంద్రగిరి వరకూ సాగిన ఆ టూర్‌… ఇప్పటికీ అక్కడి జనం కళ్లముందు కదులుతూనే ఉంది. యూత్ కాంగ్రెస్ నేతగా ఉన్నప్పటి నుంచే ప్రజల పక్షాన ఎన్నోపోరాటాలు … పాదయాత్రలు చేశారు బాబు.

new

 ప్రస్తుత పాదయాత్రలో భాగంగా.. అనంతపురం జిల్లాలో 60 గ్రామాల్లో ప్రజల కష్టసుఖాలు అడిగి తెలుసుకున్నారు చంద్రబాబు. ఈ యాత్ర సమయంలో బాబు వ్యవహారశైలిలోనూ మార్పువచ్చింది. అందరినీ ఆప్యాయంగా పలకరిస్తూ ముందుకు వెళ్లడమే కాదు… ప్రసంగ శైలినీ బాబు మార్చుకున్నారు. సుదీర్ఘమైన ప్రసంగాలకు బదులు.. ఇప్పుడు  సూటిగా జనం నచ్చిన మాటలే మాట్లాడుతున్నారు.పనిలో పనిగా పార్టీ కార్యకర్తలతో ప్రత్యక్ష సంబంధాలు కొనసాగిస్తున్నారు. నేరుగా వారిని విశ్వాసంలోకి తీసుకుంటున్నారు. అటు సామాన్య జనం..ఇటు పార్టీ శ్రేణులను పటిష్టం చేయగలిగేందుకు ఈ యాత్ర ఉభయతారంగా ఉందని రాజకీయ విశ్లేషకులు చెబుతున్నారు.తాను మారానని పదేపదే చెప్తున్న బాబు మాటలు ఇప్పుడు జనానికి బాగానే చేరుతున్నాయి. ప్రజలతో మమేకమౌతూ పాదయాత్ర చేస్తున్న ఆయన… ఇప్పుడు అందరివాడుగా మారారన్న భావన సామాన్యుల్లో కనిపిస్తోంది.

by.....pravasarajyam.com