March 7, 2013
బాబు సమక్షంలో మహిళా దినోత్సవం
టీడీపీ రాష్ట్ర అధ్యక్షుడు
చంద్రబాబు నాయుడు 'వస్తు న్నా మీకోసం' పాదయాత్రలో మహిళ దినోత్సవాన్ని
జరపడానికి తెలుగు మహిళ సంఘం నిర్ణయించింది. ఈ కార్యక్రమాన్ని ఈ నెల ఎనిమిదో
తేదీన మండవల్లి మండలం చావలిపాడులో జరపడానికి నిర్ణయించారు. చంద్రబాబు
పాల్గొనే ఈ వేడుకలను భారీ స్థాయిలో మహిళలు పాల్గొనే రీతిలో గ్రామాల్లో
చైతన్యం చేస్తున్నారు.చావలిపాడులోని గాదిరాజు వరదరాజు గార్డెన్‌లో సభా వేదిక ఏర్పాటు చేశారు. వేదికను అందంగా రూపొందిస్తున్నారు. సభా ప్రాంగణాన్ని ఇప్పటికే పోలీసులు, నిఘా బృందాలు పలు మార్లు పర్యవేక్షించాయి. కైకలూరు ఎమ్మెల్యే జయమంగళ వెంకటరమణ, తెలుగు మహిళ జిల్లా అధ్యక్షురాలు ఆచంట సునీత 'ఆంధ్రజ్యోతి'తో మాట్లాడారు.
