June 6, 2013

కేసీఆర్ వి దగాకోరు మాటలు: ఎర్రబెల్లి

హైదరాబాద్ : తెలంగాణ ఉద్యమాన్ని కేసీఆర్ సొంత ప్రయోజనాలకు వాడుకునే ప్రయత్నం చేస్తున్నారని టీడీపీ తెలంగాణ ఫోరం కన్వీనర్ ఎర్రబెల్లి దయాకర్ రావు అన్నారు. రాహుల్ గాంధీని ప్రధాన మంత్రిని చేయడానికి కాంగ్రెస్ చేసుకున్న ఒప్పందాలను కేసీఆర్ అమలు చేస్తున్నారని ఆయన ఆరోపించారు. కాంగ్రెస్ పార్టీకి తెలంగాణ ఇచ్చే ఉద్దేశం లేదని... కేసీఆర్ కు తెలంగాణ తెచ్చే ఆకాంక్ష లేదని ఎర్రబెల్లి విమర్శించారు.

15 ఎంపీ సీట్లు గెలిచి తెలంగాణ ఎలా తెస్తారో కేసీఆర్ చెప్పాలని ఎర్రబెల్లి డిమాండ్ చేశారు. కేసీఆర్ దగాకోరు మాటలు తగవని, ఎలక్షన్.... కలెక్షన్లతో ముగినిపోయిన ఆయన తెలంగాణ ప్రజలను మభ్య పెడుతున్నారన్నారు. ఇదిగో తెలంగాణ...అదిగో తెలంగాణ అంటూ మోసం చేస్తున్నారని ఎర్రబెల్లి మండిపడ్డారు. కేసీఆర్ కు చిత్తశుద్ధి ఉంటే ఆయన కుటుంబ సభ్యులెవరూ ఎన్నికల్లో పోటీ చేయకూడదని డిమాండ్ చేశారు.

Posted by arjun at 7:41 AM