మీ రొస్తే నేను వేరే ఉద్యోగం చూసుకోవాల్సిందే

మీరందరు వస్తే ఇక నేనుండను. వేరే ఉద్యోగం చూసుకోవాల్సిందే..' - రాజకీయాల్లో చేరతామంటూ విద్యార్థు లు చూపిన ఉత్సాహానికి నారా లోకేష్ భయం నటిస్తూ అన్న మాటలివి. గుడుపల్లె సమీపంలోని రాళ్లగంగమాంబ ఆలయ ఆవరణలో శుక్రవారం ఆయన జడ్పీ ఉన్నత పాఠశాల విద్యార్థులతో కాసేపు ముచ్చటించారు. ఈ సందర్భంగా విద్యార్థులకు పాఠశాలలో ఉన్న సమస్యలన్నీ పరిష్కరిస్తానని హామీ ఇచ్చారు. ఎవరెవరు ఏమేమి కావాలని కోరుకుంటున్నారో తెలుసుకోవడానికి ప్రయత్నించారు. 'డాక్టర్లు ఎవరవుతారు? ఇంజినీర్లు కావాలని ఎవరికి కోరిక ఉంది? పోలీసులు కాబోయేవారెవరు?' అని ప్రశ్నిస్తూ చేతులెత్తాల్సిం దిగా చిన్నారులను కోరారు. ప్రతి ప్రశ్నకు ఎంతో కొంతమంది చేతులెత్తి తమ ఆకాంక్షను వెలిబుచ్చారు. 'అయితే రాజకీయ నాయకులు ఎవరవుతారు?' అన్న ప్రశ్నకు మాత్రం 9వ తరగతి చదివే సందీప్ అనే విద్యార్థి ఒక్కరే చేతులెత్తాడు.